चला शाळला

चला शाळला
स्कूल बस नसली म्हणून काय झाले,
आमच्या गळ्यात टाय असला काय अन नसला काय
चड्डीला बटन असली काय नसली काय
टोपीला इस्त्री असली काय नसली काय
शीक बाबा शीक लढायला शीक
कुणब्याच्या पोरा आता लढायला शीक !!धृ!!

लाजरेपणा बुजरेपणा बाजारात ईक
घेऊ नको फाशी बाबा खावू नको ईख
माग माग नको पुढ सरकायला शीक
आत्महत्या नको हत्या करायला शीक !!१!!

कोट्यावधी कर्ज घेती दलालांची पोर
बुडविती त्याचा कधी करिता न घोर
तुला टाळून जाणार्याला आडवायला शीक
घेतलेली कर्ज सारी बुडवायला शीक !!२!!

उंटाऊन शेळ्याहाकी सरकार शहाण
त्याच्यामुळ जीव तुझा पडला गहाण
तुझ ऐकत नाही त्याला झाडायला शीक
तूच दिली सत्ता त्याला पडायला शीक !!३!!

जातील हे दिस आणि होईलहि ठीक
उद्या तुझ्या शेतामध्ये उधाणेल पीक
गाळलेल्या घामासाठी रस्त्यावर टीक
हक्कासाठी लढ बाबा मागू नको भिक !!4!!
- अनामिक